Oxetivos d’APIAST
La nuestra fueya de ruta naz de los nuestros estatutos, pero resúmese nun compromisu claru: reforciar el sector de la ilustración asturiana.
Pa consiguilo, centramos los nuestros esfuerzos en cuatro árees clave
Puxu y visibilidá
- Promovemos el talentu llocal: trabayamos pa que la ilustración fecha n'Asturies tenga la reconocencia que merez, potenciando la so presencia mesmo nel nuestru territoriu como nel panorama nacional y internacional.
- Averamos la ilustración a la sociedá: facemos actividaes y collaboramos con instituciones y entidaes culturales pa esparder el valor de la ilustración como ferramienta única pa comunicar idees, contar histories y dar vida a productos.
Formación y evolución
- Aprendizaxe de contino: fomentamos el crecimientu de les persones socies al traviés de formación específica, esplorando dende les téuniques tradicionales hasta les nueves ferramientes teunolóxiques.
- Espíritu críticu y creativu: investigamos formes nueves de desendolcar el nuestru oficiu ensin perder de vista la esencia artística que nos define.
Ética y defensa profesional
- Proteición del sector: curiamos el prestixu del nuestru oficiu promoviendo una competencia sana y lleal afitada nel respetu ente nós.
- Derechos y valores: defendemos la llibertá creativa y los derechos humanos utilizando l'arte como una ferramienta de tresformación social y compromisu éticu.
Representación y redes
- Interlocución institucional: actuamos como ponte con entidaes públiques y privaes pa defender los intereses comunes del nuestru coleutivu.
- Rede de collaboración: creamos espacios d'alcuentru onde la esperiencia compartida ye la nuestra meyor ferramienta de trabayu.
