Programación FLIPA 2026
Nesta edición, la nuestra programación espliégase en cinco grandes bloques diseñaos pa enllenar toles facetes de la nuestra disciplina:
Esposición d'ilustración
Una amuesa itinerante d'ilustración creada por persones socies de APIAST p'averar el nuestru oficiu a distintos puntos d’Asturies.
FLIPA CON. Charres y Talleres
Actividaes y alcuentros regulares con otros profesionales:
- FLIPA con… : alcuentros, charles y talleres esclusivos impartíos por profesionales de primer nivel, pa persones socies y non socies (con inscripción anticipada y descontu pa APIASTers)
- Charras de Baldre: charres abiertes y gratuites sobre temes que nos afeuten a nivel xeneral.
Alcuentros FLIPA-té
Pa tomar un té, una cerveza o lo que surda, dinamizaos con actividaes como puen ser conciertos ilustraos, combates de dibuxu o semeyes a palpu, en locales onde lo importante ye conocese, charrar y crear redes de de mou posáu.
FLIPA ensin mancate (Xornaes de bienestar profesional)
Estes xornaes céntrense nel bienestar físicu y mental de les persones creatives pa que puedan desenvolver el so trabayu de forma sana; dende fisioterapia y hixene postural pal trabayu con pantalles hasta sesiones de yoga y psicoloxía aplicada a la creatividá. Porque pa trabayar bien, hai que tar bien.
Les Mentoríes d’APIAST
Profesionales de APIAST con trayeutoria, comparten la so esperiencia y empobinen a persones socies que precisen dar puxu o meyorar na so carrera, creando una ponte de conocencimientu y esperiencia.
El gran final de programa: La FOLIXA de FLIPA
Nun podíamos zarrar l'añu d'otra manera. En setiembre, coincidiendo col aniversariu d'APIAST, celebramos a lo grande la nuesa profesión con una xornada de FOLIXA, de baldre y abierta al públicu, na qu'esfrutamos de distintes actividaes participatives y onde la ilustración interactúa con otres disceplines artístiques creando nueves sinerxíes.
